Elimu

Maoni yangu ni kuwa imefikia wakati sasa Serikali ikubali kukoselewa pale ambapo ukweli huko wazi juu ya dosari za utekelezaji wake wa masuala ya elimu. Hatua ya kukurupuka tu na kufungia vyombo vya binafsi au Taasisi zinazoikosoa kwa kupitia matangazo yake kwa vyombo vya habari kama Redio ,Television na vipeperushi mbalimbali,Lengo si kukosoa kuwa serikali haiwajibiki ipasavyo,la asha!!! lengo ni kuwakumbusha kuwa yapo maeneo mengine mipango iliyopo inakwenda kinyume na mkakati madhubuti wa kuyainua maisha ya kila mtanzania kwa kumpatia elimu inayostahili na iliyo bora na kumwezesha kujikwamua na hali halisi ya maisha na kuondoa utegemezi kwa asilimia kubwa. Pamoja hilo nashauri kuwepo na nia na hatua madhubuti za Serikali kufanya uchambuzi wa kina wa matangazo hayo na kuchukua hatua za kuyarekebisha. Pia nashauri Taasisi na Vyombo vingine vilivyo nje ya serikali kutokata tamaa katika kufichua yale ambayo kwa njia mmoja au nyingine yanarudisha nyuma maendeleo ya nchi yetu. Nchi hii ni yetu sote na unapoamua kuamasisha maendeleo ya nchi kwa wananchi na ukasikilizwa basi ni vyema pia ukawa tayari kukubali kukosolewa! Asanteni, Mwanaharakati wa mageuzi ya maendeleo ya nchi.

Mimi ni mwanafunzi wa mwaka wa tatu chuo kikuu cha kilimo Sokoine.Kinachoniuma ni kuona wanafunzi wanateseka kuhusu suala zima la mikopo hasa kwa wanafunzi wa mwaka wa tatu.Wanafunzi wa mwaka wa kwanza wanalipiwa 60% ya garama zote ikiwa ni ada,malazi,chakula na mengineo.Je,hizo 40% watapata wapi huku angali ni watoto wa wakulima wenye kipato duni?Mfano,ada wanayotakiwa kuongeza ni wastani wa laki tano.Si hayo tu,tumejionea wenyewe ni jinsi gani wanafunzi wa mwaka wa kwanza wananyimwa malazi baada ya kufunguliwa chuo tarehe 08/01/2007 wakitakiwa kukamilisha ada kwanza. Ninachoweza kusema mimi,kulikuwa na utaratibu mbovu wa taarifa kuhusu ushirikishwaji uchangiaji wa gharama za elimu ya juu kwa 40%.Wazazi wengi hawafahamu kuhusu hilo na watakaomia ni wanafunzi.Inabidi bodi isahau kuhusu uchangiaji wa elimu na itoe mkopo kwa 100%,mwaka ujao wa masomo iandae programu nzuri na kila atakayechukua fomu za kujiunga na chuo chochote ajue atachangia kwa asilimia fulani.